মহাকালভৈরবাষ্টকম্

মহাকালভৈরবাষ্টকম্

যং য়ং য়ং যক্ষরূপং দশদিশিবিদিতং ভুমিকম্পায়মানং

সং সং সংহারমূর্তিং শিরমুকুটজটা শেখরংচন্দ্রবিম্বমম্ ।

দং দং দং দীর্ঘকায়ং বিক্রিতনক মুকং চোর্ধ্বরোমং করালং

পং পং পং পাপনাশং প্রণমত সততং ভৈরবং ক্ষেত্রপালম্ ।। ১ ।।

রং রং রং রক্তবর্ণংকটিকটিততনুং তীক্ষ্ণদংষ্ট্রাকরালং

ঘং ঘং ঘং ঘোষ ঘোষং ঘ ঘ ঘ ঘ ঘটিতং ঘর্ঝরং ঘোরনাদম্ ।

কং কং কং কালপাশং দ্রুক্ দ্রুক্ হটিতং জ্বালিতং কামদাহং

তং তং তং দিব্যদেহং প্রণমত সততং ভৈরবং ক্ষেত্রপালম্ ।। ২ ।।

লং লং লং লং বদন্তং ল ল ল ল ললিতং দীর্ঘ জিহ্বা করালং

ধূং ধূং ধূং ধূম্রবর্ণং স্ফুটংবিকটমুখং ভাস্করং ভীমরূপম্ ।

রুং রুং রুং রুণ্ডমালং রবিতমনিয়তং তাম্রনেত্রং করালম্

নং নং নং নগ্নভূষং প্রণমত সততং ভৈরবং ক্ষেত্রপালম্ ।। ৩ ।।

বং বং বং বায়ুবেগং নতজনসদঘং ব্রহ্মসারং পরন্তং

খং খং খং খড্গহস্তং ত্রিভুবনবিলয়ং ভাস্করং ভীমরূপম্ ।

চং চং চং চলিত্বাঽচল চল চলিতা চালিতং ভূমিচক্রং

মং মং মং মায়ি রূপং প্রণমত সততং ভৈরবং ক্ষেত্রপালম্ ।। ৪ ।।

শং শং শং শঙ্খহস্তং শশিকরধবলং মোক্ষ সম্পূর্ণ তেজং

মং মং মং মহান্তং কুলমকুলকুলং মন্ত্রগুপ্তং সুনিত্যম্ ।

যং যং যং ভূতনাথং কিলিকিলিকিলিতং বালকেলিপ্রদহানং

আং আং আং আন্তরিক্ষং প্রণমত সততং ভৈরবং ক্ষেত্রপালম্ ।। ৫ ।।

খং খং খং খড্গভেদং বিষমমৃতময়ং কালকালং করালং

ক্ষং ক্ষং ক্ষং ক্ষিপ্রবেগং দহদহদহনং তপ্তসন্দীপ্যমানম্ ।

হৌং হৌং হৌংকারনাদং প্রকটিতগহনং গর্জিতৈর্ভূমিকম্পং

বং বং বং বাললীলং প্রণমত সততং ভৈরবং ক্ষেত্রপালম্ ।। ৬ ।।

সং সং সং সিদ্ধিযোগং সকলগুণমখং দেবদেবং প্রসন্নং

পং পং পং পদ্মনাভং হরিহরময়নং চন্দ্রসূর্যাগ্নি নেত্রম্ ।

ঐং ঐং ঐং ঐশ্বর্যনাথং সততভয়হরং পূর্বদেবস্বরূপং

রৌং রৌং রৌং রৌদ্ররূপং প্রণমত সততং ভৈরবং ক্ষেত্রপালম্ ।। ৭ ।।

হং হং হং হংসযানং হসিতকলহকং মুক্তযোগাট্টহাসং

ধং ধং ধং নেত্ররূপং শিরমুকুটজটাবন্ধবন্ধাগ্রহস্তম্ ।

তং তং তং তংকানাদং ত্রিদশলটলটং কামগর্বাপহারং

ভ্রুং ভ্রুং ভ্রুং ভূতনাথং প্রণমত সততং ভৈরবং ক্ষেত্রপালম্ ।। ৮ ।।

॥ শ্রীরাধাস্তবনং গণেশকৃতম্ ॥

শ্রীগণেশ উবাচ

তব পূজা জগন্মাতর্লোকশিক্ষাকরী শুভে। ব্রহ্মস্বরূপা ভবতী কৃষ্ণবক্ষঃস্থলস্থিতা ॥ ১॥ যৎ পাদপদ্মমতুতলং ধ্যায়ন্তে তে সুদুর্লভম্ । সুরা ব্রহ্মেশশেষাদ্যা মুনীন্দ্রাঃ সনকাদয়ঃ ॥ ২॥ জিবন্মুক্তাশ্চ ভক্তাশ্চ সিদ্ধেন্দ্রাঃ কপিলাদয়ঃ । তস্য প্রাণাভিদেবি ত্বং প্রিয়া প্রানাধিকা পরা ॥ ৩॥ বামাঙ্গনির্মিতা রাধা দক্ষিণাঙ্গশ্চ মাধবঃ । মহালক্ষ্মীর্জগন্মাতা তব বামাঙ্গনির্মিতা ॥ ৪॥ বসোঃ সর্বনিবাসস্য প্রসূস্ত্বং পরমেশ্বরী । বেদানাং জগতামেব মূলপ্রকৃতিরীশ্বরী ॥ ৫॥ সর্বাঃ প্রকৃতিকা মাতঃ সৃষ্ট্যাং চ ত্বদ্বিভূতয়ঃ । বিশ্বানি কার্যরূপাণি ত্বং চ কারণরূপিণী ॥ ৬॥ প্রলয়ে ব্রহ্মণঃ পাতে তন্নিমেষো হরেরপি । আদৌ রাধাং সমুচ্চার্য পশ্চাৎ কৃষ্ণং পরাৎ পরম্ ॥ ৭॥ স এব পণ্ডিতো যোগী গোলোকং যাতি লীলয়া । ব্যতিক্রমে মহাপী ব্রহ্মহত্যাং লভেদ্ ধ্রুবম্ ॥ ৮॥ জগতাং ভবতী মাতা পরমাত্মা পিতা হরিঃ । পিতুরেব গুরুর্মাতা পূজ্যা বন্দ্যা পরৎপরা ॥ ৯॥ ভজতে দেবমন্যং বা কৃষ্ণং বা সর্বকারণম্ । পুণ্যক্ষেত্রে মহামূঢো যদি নিন্দা রাধীকাম্ ॥ ১০॥ বংশহানির্ভবেত্তস্য দুঃখশোকমিহৈব চ । পচ্যতে নিরতে ঘোরে যব দ্রদিবাকরৌ ॥ ১১॥ গুরুশ্চ জ্ঞানোদ্গির্ণাজ্জ্ঞানং স্যান্মংত্রতংত্রয়োঃ । স চ মন্ত্রশ্চ তত্তন্ত্রং ভক্তিঃ স্যাদ্ যুবয়োর্যতঃ ॥ ১২॥ নিশেব্য মন্ত্রং দেবানাং জীবা জন্মনি জন্মনি । ভক্তা ভবন্তি দুর্গায়াঃ পাদপদ্মে সুদুর্লভে ॥ ১৩॥ নিষেব্য মন্ত্রং শম্ভোশ্চ জগতাং কারণস্য চ । তদা প্রাপ্নোতি যুবয়োঃ পাদপদ্মং সুদুর্লভম্ ॥ ১৪॥ যুবয়োঃ পাদপদ্মং চ দুর্লভং প্রাপ্য পুণ্যবান্ । ক্ষণার্ধং ষোডশাংশং চ ন হি মুঞ্চতি দৈবতঃ ॥ ১৫॥ ভক্ত্যা চ যুবয়োর্মন্ত্রং গৃহীত্বা বৈষ্ণবাদপি । স্তবং বা কবচং বাপি কর্মমূলনিকৃন্তনম্ ॥ ১৬॥ যো জপেৎ পরয়া ভক্ত্যা পুণ্যক্ষেত্রে চ ভারতে । পুরুষাণাং সহস্রং চ স্বাত্মনা সার্ধমুদ্ধরেৎ ॥ ১৭॥ গুরুমভ্যর্চ্য বিধিবদ্ বস্ত্রালংকারচন্দনৈঃ । কবচং ধারয়েদ্ যো হি বিষ্ণুতুল্যো ভবেদ্ ধ্রুবম্ ॥ ১৮॥ ॥ ইতি শ্রী ব্রহ্মবৈবর্তে গণেশকৃতং শ্রীরাধাস্তবনং সম্পূর্ণম্ ॥

॥ শ্রীরাধাস্তোত্রং উদ্ধবকৃতম্ ॥

॥ অথ উদ্ধবকৃতং শ্রীরাধাস্তোত্রম্॥ উদ্ধব উবাচ । বন্দে রাধাপদাম্ভোজং ব্রহ্মাদিসুরবন্দিতম্ । যৎ কীর্তিকীর্তনেনৈব পুনাতি ভুবনত্রয়ম্ ॥ ১॥ নমো গোকুলবাসিন্যৈ রাধিকায়ৈ নমো নমঃ । শতশৃঙ্গনিবাসিন্যৈ চন্দ্রাবত্যৈ নমো নমঃ ॥ ২॥ তুলসীবনবাসিন্যৈ বৃন্দারণ্যৈ নমো নমঃ । রাসমণ্ডলবাসিন্যৈ রাসেশ্বর্যৈ নমো নমঃ ॥ ৩॥ বিরজাতীরবাসিন্যৈ বৃন্দায়ৈ চ নমো নমঃ । বৃন্দাবনবিলাসিন্যৈ কৃষ্ণায়ৈ নমো নমঃ ॥ ৪॥ নমঃ কৃষ্ণপ্রিয়ায়ৈ চ শান্তায়ৈ চ নমো নমঃ । কৃষ্ণবক্ষঃস্থিতায়ৈ চ তৎ প্রিয়ায়ৈ নমো নমঃ ॥ ৫॥ নমো বৈকুণ্ঠবাসিন্যৈ মহালক্ষ্ম্যৈ নমো নমঃ । বিদ্যাধিষ্ঠাতৃদেব্যৈ চ সরস্বত্যৈ নমো নমঃ ॥ ৬॥ সর্বৈশ্বর্যাধিদেব্যৈ চ কমলায়ৈ নমো নমঃ । পদ্মনাভপ্রিয়ায়ৈ চ পদ্মায়ৈ চ নমো নমঃ ॥ ৭॥ মহাবিষ্ণোশ্চ মাত্রে চ পরাদ্যায়ৈ নমো নমঃ । নমঃ সিন্ধুসুতায়ৈ চ মর্ত্যলক্ষ্ম্যৈ নমো নমঃ ॥ ৮॥ নারায়ণপ্রিয়ায়ৈ চ নারায়ণ্যৈ নমো নমঃ । নমোঽস্তু বিষ্ণুমায়ায়ৈ বৈষ্ণব্যৈ চ নমো নমঃ ॥ ৯॥ মহামায়াস্বরূপায়ৈ সম্পদায়ৈ নমো নমঃ । নমঃ কল্যাণরূপিণ্যৈ শুভায়ৈ চ নমো নমঃ ॥ ১০॥ মাত্রে চতুর্ণাং বেদানাং সাবিত্র্যৈ চ নমো নমঃ । নমো দুর্গবিনাশিন্যৈ দুর্গাদেব্যৈ নমো নমঃ ॥ ১১॥ তেজঃসু সর্বদেবানাং পুরা কৃত্যুগে মুদা । অধিষ্ঠানকৃতায়ৈ চ প্রকৃত্যৈ চ নমো নমঃ ॥ ১২॥ নমস্ত্রিপুরহারিণ্যৈ ত্রিপুরায়ৈ নমো নমঃ । সুন্দরীষু চ রম্যায়ৈ নির্গুণায়ৈ নমো নমঃ ॥ ১৩॥ নমো নিদ্রাস্বরূপায়ৈ নির্গুণায়ৈ নমো নমঃ । নমো দক্ষসুতায়ৈ চ সত্যৈ নমো নমঃ ॥ ১৪॥ নমঃ শৈলসুতায়ৈ চ পার্বত্যৈ চ নমো নমঃ । নমো নমস্তপস্বিন্যৈ হ্যুমায়ৈ চ নমো নমঃ ॥ ১৫॥ নিরাহারস্বরূপায়ৈ হ্যপর্ণায়ৈ নমো নমঃ । গৌরীলোকবিলাসিন্যৈ নমো গৌর্যৈ নমো নমঃ ॥ ১৬॥ নমঃ কৈলাসবাসিন্যৈ মাহেশ্বর্যৈ নমো নমঃ । নিদ্রায়ৈ চ দয়ায়ৈ চ শ্রধায়ৈ চ নমো নমঃ ॥ ১৭॥ নমো ধৃত্যৈ ক্ষমায়ৈ চ লজ্জায়ৈ চ নমো নমঃ । তৃষ্ণায়ৈ ক্ষুৎস্বরূপায়ৈ স্থিতিকর্ত্র্যৈ নমো নমঃ ॥ ১৮ । নমঃ সংহাররূপিণ্যৈ মহামার্যৈ নমো নমঃ । ভয়ায়ৈ চাভয়ায়ৈ চ মুক্তিদায়ৈ নমো নমঃ ॥ ১৯॥ নমঃ স্বধায়ৈ স্বাহায়ৈ শান্ত্যৈ কান্ত্যৈ নমো নমঃ । নমস্তুষ্ট্যৈ চ পুষ্ট্যৈ চ দয়ায়ৈ চ নমো নমঃ ॥ ২০॥ নমো নিদ্রাস্বরূপায়ৈ শ্রদ্ধায়ৈ চ নমো নমঃ । ক্ষুত্পিপাসাস্বরূপায়ৈ লজ্জায়ৈ চ নমো নমঃ ॥ ২১॥ নমো ধৃত্যৈ ক্ষমায়ৈ চ চেতনায়ৈ চ নমো নমঃ । সর্বশক্তিস্বরূপিণ্যৈ সর্বমাত্রে নমো নমঃ ॥ ২২॥ অগ্নৌ দাহস্বরূপায়ৈ ভদ্রায়ৈ চ নমো নমঃ । শোভায়ৈ পূর্ণচন্দ্রে চ শরৎ পদ্মে নমো নমঃ ॥ ২৩॥ নাস্তি ভেদো যথা দেবি দুগ্ধধাবল্যয়োঃ সদা । যথৈব গন্ধভূম্যোশ্চ যথৈব জলশৈত্যয়োঃ ॥ ২৪॥ যথৈব শব্দনভসোর্জ্যোতিঃ সূর্যকয়োর্তথা । লোকে বেদে পুরাণে চ রাধামাধাবয়োস্তথা ॥ ২৫॥ চেতনং কুরু কল্যাণি দেহি মামুত্তরং সতি । ইত্যুক্ত্বা চোদ্ধবস্তত্র প্রণনাম পুনঃ পুনঃ ॥ ২৬॥ ইত্যুদ্ধবকৃতং স্তোত্রং যঃ পঠেদ্ ভক্তি পূর্বকম্ । ইহ লোকে সুখং ভুক্ত্বা যাত্যন্তে হরিমন্দিরম্ ॥ ২৭॥ ন ভবেদ্ বন্ধুবিচ্ছেদো রোগঃ শোকঃ সুদারুণঃ । প্রোষিতা স্ত্রী লভেৎ কান্তং ভার্যাভেদী লভেৎ প্রিয়াম্ ॥ ২৮॥ অপুত্রো লভতে পুত্রান্ নির্ধনো লভতে ধনম্ । নির্ভুমির্লভতে ভূমিং প্রজাহিনো লভেৎ প্রজাম্ ॥ ২৯॥ রোগাদ্ বিমুচ্যতে রোগী বদ্ধো মুচ্যেৎ বন্ধনাৎ। ভয়ান্মুচ্যেৎ ভীতস্তু মুচ্যেতাপন্ন আপদঃ ॥ ৩০॥ অস্পষ্টকীর্তিঃ সুযশা মূর্খো ভবতি পণ্ডিতঃ ॥ ৩১॥ ইতি শ্রীব্রহ্মবৈবর্তে উদ্ধবকৃতং শ্রীরাধাস্তোত্রং সম্পূর্ণম্॥