श्रीगौरकृपाकटाक्षस्त्रोत्रम्
- Gouranga Virudabali
- 4 hours ago
- 2 min read
श्रीचैतन्यप्रेमताण्डवस्तोत्रम्
श्रीगौरकृपाकटाक्षस्त्रोत्रम्
महान्तवृन्दवन्दितं त्रितापशोकनाशिनं,
विशेषवेशभूषितं सदा स्मितोज्ज्वलाननं ।
प्रमत्तमत्तमादितं स्वनामगानरोदितं,
भजे कृपाकरम्परं विमुग्धगौरदेशिकम् ।। 1 ।।
सुवर्णवर्णशोभितं प्रवेष्टजानुलम्बितं,
सुदीर्घदेहधारिणं कलापहेमभूषितं ।
अरालनीलकुन्तलं कबन्धपत्रलोचनं,
भजे कृपाकरम्परं विमुग्धगौरदेशिकम् ।। 2 ।।
सुरासुराञ्चसेवितं मनोज्ञतुण्डमण्डितं,
विराजितंश्रुतिद्वयं सुमन्दनृत्यकुण्डलं ।
हरिप्रियागलेस्थितं विशालवक्षलक्षितं,
भजे कृपाकरम्परं विमुग्धगौरदेशिकम् ।। 3 ।।
अनादिनादकारणं परात्परंविभूंवरं,
गुणालयार्त्ततारणं प्रबुद्धशुद्धरूपिणं ।
महाभयापहारिणं भवाब्धिपारपाहिनं,
भजे कृपाकरम्परं विमुग्धगौरदेशिकम् ।। 4 ।।
सुशुभ्रपुष्पवाससं विनोदमोदमोहनं,
विचित्ररत्नरञ्जितं सुगन्धचन्दनोर्चितं ।
दिशानिशामृशाकरं स्वरूपधिष्णकारणं,
भजे कृपाकरम्परं विमुग्धगौरदेशिकम् ।। 5 ।।
ललाटकालपुण्ड्रकं दिवाकरम्पराजितं
मनोहरञ्चनासिकं विकर्तनोष्ठभासितं ।
सुरेशशेषशेखरं महेशमोहभञ्जनं,
भजे कृपाकरम्परं विमुग्धगौरदेशिकम् ।। 6 ।।
अनेकमन्त्रमर्चितं दिवौकसञ्चपूजितं,
विरक्तमूक्तमानसं दयाद्रभद्रभावनं ।
हिरण्यगर्भगर्भिणं सदाशयञ्चशायितं,
भजे कृपाकरम्परं विमुग्धगौरदेशिकम् ।। 7 ।।
सनातनादिकारणं स्वधर्मनिष्ठनायकं,
सहस्रदिव्यभास्करं करांकुशांघ्रितेजसं ।
प्रवीणधीरचिन्तितं कलौचछन्नविग्रहं,
भजे कृपाकरम्परं विमुग्धगौरदेशिकम् ।। 8 ।।
सुनृत्यकेलिनागरं मनोज्ञगीतगायकं,
त्रिभङ्गरङ्गभङ्गितं स्वनादवाद्यवादकं ।
चतुर्दिशाञ्चकम्पितं समस्तलोकहर्षितं,
भजे कृपाकरम्परं विमुग्धगौरदेशिकम् ।। 9 ।।
दयादरिद्रमोचनं सुलोचनार्त्तत्राहिनं
सुदण्डदानदक्षिणं सहस्रमण्डभक्षिणं ।
प्रभाकरम्प्रभामयं स्वकान्तिदग्धगौरवं
भजे कृपाकरम्परं विमुग्धगौरदेशिकम् ।। 10 ।।
कुदर्पखर्वखेलनं सदुष्टकाजिमर्दनं
प्रपन्नखिन्नपावकं सुभक्तमुक्तकारणं ।
कटाक्षभक्षभाण्डरं पतङ्गतुङ्गतापिनं
भजे कृपाकरम्परं विमुग्धगौरदेशिकम् ।। 11 ।।
करेणुगर्वखर्वितं सुमन्दछन्दधावनं
विदग्धदक्षद्राघिमं कलाविलासभावनं ।
अनङ्गरङ्गभङ्गितं मनोज्ञभोग्यलालितं
भजे कृपाकरम्परं विमुग्धगौरदेशिकम् ।। 12 ।।
विनोदमोदमज्जितं निकुंजमञ्जुमाशिनं
वशानिहारवर्ज्जितं सुदिव्यभावभूषणं ।
रसोकलापध्यायिनं समञ्जसेविभूषणं
भजे कृपाकरम्परं विमुग्ध गौरदेशिकम् ।। 13 ।।
पतङ्गकान्तिवसनं शिखाचसूत्रवर्जितं
सुदीनहीनवेशिनं हरेर्गुणानुवादिनं ।
विदेशदेशभ्रमितं महास्वमन्त्रगायितं
भजे कृपाकरम्परं विमुग्धगौरदेशिकम् ।। 14 ।।
समग्रशास्त्रपारकं कलाविलासनैपुणं
स्वसङ्गिरङ्गेरञ्जितं प्रचण्डताण्डवप्रियं ।
हरीहरीहुहुंकृतं निनादधराकम्पितं
भजे कृपाकरम्परं विमुग्धगौरदेशिकम् ।। 15 ।।
दशावतारकारणं मुनेजनेनसेवितं
विचित्रवीर्यवर्हिणं उपेन्द्रसोदरोडितं ।
विशालतालव्यापकं कपोलभालसुन्दरं
भजे कृपाकरम्परं विमुग्धगौरदेशिकम् ।। 16 ।।
निवासीकाशीकर्षणं प्रबोधनन्दनन्दितं
प्रकाशकालसङ्गरं सुगुप्तभावभासितं ।
प्रवीणधीरध्यायितं विलुप्ततीर्थतारणं
भजे कृपाकरम्परं विमुग्धगौरदेशिकम् ।। 17 ।।
पथेपथेचभ्रमितं सुछन्दवद्धनर्तनं
मृगेन्द्रनागहर्षितं विहङ्गसङ्गसहितं ।
दिशादशंसुगन्धितं स्वगात्रसौरभान्वितं
भजे कृपाकरम्परं विमुग्धगौरदेशिकम् ।। 18 ।।
इतीदमद्भूतंस्तवं पुमान्पठन्तिमानसं,
त्रितापसर्वनाशनं कृपाजुनन्तिनिश्चितं ।
अशेषदोषहारिणं भवाटवीनिवारणं
भक्तिमुक्ति दायकं च गौर प्राप्तिकारकम् ।। 19 ।।
नमस्तेगौरचन्द्राय अशेषक्लेशहारिणे ৷
नमो चैतन्यदेवाय भवत्रासान्निवारिणे ৷৷ 20 ॥
शक्तिपातेन गौरेण स्तवं मया विलिखितं ৷
न तु स्वबुद्धि कारणं कृपाशक्तिं हि तारणम् ৷৷ 21 ॥
इति श्रीचैतन्यदासानुदास गौडीयसम्प्रदायाचार्य्य पण्डित श्रीरघुनाथदास शास्त्रिणा विरचितं श्रीचैतन्यप्रेमताण्डवं च श्रीगौरकृपाकटाक्षस्तोत्रं समाप्तम् ৷৷
Comments