শ্রীকৃষ্ণাষ্টকস্তোত্রম্ (ব্রহ্মানন্দকৃতম্)

চতুর্মুখাদিসংস্তুতং সমস্তসাত্বতানুতম।

হলায়ুধাদিসংযুতং নমামি রাধিকাধিপম্ ॥

বকাদিদৈত্যকালকং সগোপ-গোবিপালকম্ ৷

মনেহরাসিতালকং নমামি রাধিকাধিপম্ ।৷

সুবেন্দ্রগর্ব্বগঞ্জনং বিরিঞ্চিমোহভঞ্জনম্।

ব্রজাঙ্গনানুরঞ্জনং নমামি রাধিকাধিপম্ ॥

ময়ূরপিচ্ছমণ্ডনং গজেন্দ্রদম্ভখণ্ডনম্।

নৃশংস-কংসদণ্ডনং নমামি রাধিকাধিপম্ ৷।

প্রদত্তবিপ্রদারকং সুদামধাম-কারকম্।

সুরদ্রুমাপহারকং নমামি রাধিকাধিপম্ ৷।

ধনঞ্জয়জয়াবহং মহাচমূক্ষয়াবহম্।

পিতামহব্যথাপহং নমামি রাধিকাধিপম্ ।৷

মুনীন্দ্রশাপকারণং যদুপ্রজাপহারণম্।

ধরাভরাবতারণং নমামি রাধিকাধিপম্ ॥

সুবৃক্ষমূলশায়িনং মৃগারি -মোক্ষদায়িনম্।

স্বকীয়ধাম-মায়িনং নমামি রাধিকাধিপম্।৷

ইদং সমাহিতো হিতং বরাষ্টকং সদা মুদা।

জপন্ জনাে জনুর্জরাদিতো দ্রুতং প্রমুচ্যতে।

ইতি পরমহংসস্বামিব্রহ্মানন্দবিরচিতং শ্রীকৃষ্ণাষ্টকং সম্পূর্ণম্।